Kategoria: Garrantzizkoak

Bekadun-barriak-2018-1000x667

Nerea Agirre Basque Team Fundazioan sartu da

Guztira, fundazioak 580.000 euroko diru-laguntza emango die 52 jokalari eta 11 entrenatzaileri, besteak beste.

Basque Team Fundazioko patronatuan uztailaren 27an egindako bileraren ostean, erabaki dute erakundeak 580.000 euroko diru-laguntza emango duela aurten; zenbateko hori, guztira, 52 kirolariren artean banatuko da (24 emakume eta 28 gizon), eta horietako bat Getxo Errugbiko Nerea Agirre izango da.

Horrez gain, kirolari bekadunek honako hauek ere jasoko dituzte: laguntza biomedikoak, erakundeak Quirón Salud zentro medikoarekin duen lankidetzari esker; laguntza teknikoak; coaching, irudi eta komunikazio zerbitzuak; eta lan-munduan sartzeari buruzko aholkularitza.

Zorionak, Nerea!

Informazio gehiago eskuragarri Basque Team Fundazioan.

Calendario Getxo Rugby 2018-2019

Getxo Errugbia Bathco Rugby Club taldearen aurka arituko da etxean jokatuko duen lehenengo partidan

Santanderreko jokalariak A taldeko bigarren talde onena dira eta, a priori, sailkapeneko aurkaririk zailena da

Hurrengo denboraldiko egutegia daukagu jada eta hori-beltzei partida garrantzitsua egokitu zaie hasieran. Getxo Errugbiak Faduran hartuko du Bathco Rugby Club taldea B Ohorezko Dibisioko lehen aurkari gisa, mailaz igotzeko playoffeko bi tokietako bat eskuratzeko hautagai argietako bat dena. Izan ere, aurreko denboraldian playoffetan sailkatzea lortu zuten eta bigarren tokian geratu ziren, hurrengo mailara igo berri den Aparejadores de Burgos taldearen atzetik soilik.

Hurrengo astean, lehenengo partida jokatuko dute bisitari bezala, Ourensen (Galizian). Fase erregularreko bidaiarik luzeenetako bat izango da eta, horrez gain, beste bi irteera egingo dituzte Galiziara: bigarrena Vigora izango da (abenduak 8/9) eta hirugarrena, berriz, Coruñara (urtarrilak 12/13).

Derbiei dagokienez, esan beharra dago aurten hamar izango ditugula, hots, aurreko denboraldian Ohorezko A Mailan baino lau gehiago. Alabaina, horrek berdin dio, derbiak derbi izaten jarraituko baitu.

Urrian izango da lehenengoa (hilak 6/7); bisitari gisa jokatuko duten laugarren partida izango da eta Bera Bera Rugby Taldearen aurka arituko dira, aurreko edizioan hirugarren tokian sailkatu zena hamabi garaipen eta hamar porrot lortu ondoren. Etxean jokatuko duten lehen derbia urtetik urtera hobetu duen Eibar Rugby Taldearen aurka izango da, urrian (hilak 20/21). Talde horrek sailkapenaren erdian amaitu zuen aurreko denboraldian.

Aintzat hartu beharra dago geroz eta gogorragoa dela zilarrezko kategoria eta, batez ere, oso luzea dela playoffetan sailkatzea lortuz gero. Hori dela eta, lehen taldeak esfortzu handia egin beharko du sorpresarik ez hartzeko. Hurrengo denboraldiari buruz duela aste batzuk Mikel Etxeandiak esan bezala, “mutilek presio barik baina ilusioarekin jokatu behar dute”.

Calendario DHBRugby 2018-2019

Clasificación de la pasada División de Honor B Grupo A 2017-2018

Federico Fontana Web

Getxo Errugbiak aurrealdea hobetu du Federico Fontana argentinarra fitxatzeari esker

Club Gimnasia y Esgrima de Rosario taldetik dator eta Federicok eskuineko harroin gisa zein orpokatzaile gisa joka dezake

Getxo Errugbiak aurten ere erabaki du lehen lerrokoa sendotzea, errugbiko hiru toki zorrotzenetako bat baita. Julio Speziali berritu ostean, Federico Fontanak talde hori-beltzarekin egingo du bat hurrengo denboraldiko B Ohorezko Dibisioan fase estatikoak sendotzeko asmoz.

Argentinako nazionalitatea dauka Federicok eta Club Gimnasia y Esgrima de Buenos Aires (GEBA) taldean aritu da; bere taldeko oinarrizko harroinetako bat bada ere, orpokatzaile gisa joka dezake ere bai. 22 urte dauzka soilik baina fase estatikoetan eta bereziki scrum delakoan erakutsitako gaitasunagatik nabarmentzen da.

Aurreko denboraldiko alderdi sendoetako bat izan zen uztartzea, batez ere bigarren itzulian. Tokiko taldeak nabarmenki hobetu zuen eta txapelketako talde zailenetako bat izaten amaitu zuen. Tokiko jokalari batzuek, hala nola Iñigo Viterik eta Aitor Lasak, asko hobetu zuten eta lehen lerrokoaren funtsezko jokalari bilakatu ziren; horrenbestez, aurten zaila izango da hasierako hamabost jokalariak aukeratzea, bereziki ezkerreko harroinari, eskuineko harroinari eta orpokatzaileari dagokienez.

Getxo Errugbiak ongi etorria eman gura dio Federico Fontanari, eta zorte ona opa dio hori-beltz gisa egingo duen etapan. Ongi etorri, Federico!

31959185_10214131698559838_7959088665987121152_o

Captura

Barbara Pla y Uribarri Barrutieta logran el quinto puesto en el Rugby World Cup Seven de San Francisco

La selección femenina logró un magnifico quinto puesto en el pasado Rugby World Cup Seven, celebrado el fin de semana pasado en San Francisco, Estados Unidos. El quinto puesto supone una excelente posición para la selección, que solamente perdió ante Australia a lo largo de toda la competición, y superó a Fiyi, Canadá e Irlanda.

Barbara Pla y Uribarri Barrutieta formaron parte de la hazaña. Barbara fue una de las jugadoras más destacadas de todo el torneo, con una gran actuación a lo largo de la misma. Logró dos importantes ensayos, el primero para inaugurar el marcador de este #RWC7s ante Fiyi y el segundo también el primero del partido ante Canadá. Las Leonas terminaros solamente por detrás de Nueva Zelanda, campeona tanto en la modalidad femenina como masculina, Francia, Australia y Estados Unidos, todo un logro.

Ngonie Chibuwe Web

Getxo Errugbiak hiru laurdenekoa sendotuko du Ngoni Chibuwe jokalariarekin

ETXO ERRUGBI ETA CHATTERBOX AKADEMIAREN ARTEKO AKORDIOARI ESKER TALDE GETXOTARRAREN PARTE IZANGO DA NGONI DATORREN DENBORALDIAN

Talde hori-beltzak Ngoni Chibuwe hiru laurdenekoa ekarri du lerroetara. Jokalariak lehen edo bigarren zentroan jokatu dezake, eta nazioartean aritzen da bere selekzioarekin, bai hamabosteko modalitatean, bai zazpikoan.

183 cm-ko altuera du, eta 100 kg-ko pisua. Hego Afrikako Durban Collegians taldetik dator, gaur egun KZNRU League ligan jokatzen duena.

1994ko urriaren 17an jaio zen, eta ahalmen fisikoagatik nabarmendu da Ngoni. Gainera, linebreak egiteko gaitasun handia dauka, eta aurrera egitea da haren bertuterik onena. Bestalde, inplikazio handia du defentsan, eta asko aplikatzen da elkarri heltzeko fasean.

Ngoni duela hiru urte baino apur bat gehiago hasi zen lekua hartzen, Sharks Sevens taldeak lehenengoz deitu zuenean. Urte horretan bertan, bere herrialdeko hautaketa nazionalean sartu zen, Sables, eta goi-mailako hainbat partida jokatu zituen bertan. Iaz, Cell C Sharks delakoaren jokalarien zerrendan sartzea lortu zuen. Hego Afrikako errugbiaren erreferentzia handienetako bat da, eta Currie Cup txapelketako denboraldia prestatzeko ibili zen bertan.

Munduko txapelketan

Ngonik asteburu honetan jokatuko du San Frantziskoko Rugby World Cup Sevens txapelketan; berriz ere egingo du, behin baino gehiagotan egon baita bertan Zimbabwerekin.

Getxo Errugbiak ongi etorria eman gura dio Ngoni Chibuwe-ri, eta zorte ona opa dio hori-beltz gisa egingo duen etapan. Ongi etorri Ngoni!

portadacongresoggggGgGgGgggggGgG

Barbara Pla eta Uribarri Barrutieta San Frantziskoko 7s munduko txapelketarako deitu dituzte

Horrela, munduko hirugarren txapelketan egongo da Barbara aurten, eta Uribarrik, berriz, bere lehenengo munduko seven txapelketa jokatuko du

Getxo Errugbik bi ordezkari izango ditu emakumeen seven munduko txapelketan. Ameriketako Estatu Batuetako San Frantziskon jokatuko da hilaren 20tik aurrera, ostirala. Barbara Pla eta Uribarri Barrutieta estatuko selekzioarekin sartu dira deialdira, goi-mailako txapelketa garrantzitsua jokatzeko. Barbarak, horrela, munduko hirugarren txapelketa jokatuko du, eta Uribarrik, ordea, bere debuta izango du.

Espainiako selekzioa izango da protagonista inaugurazio-partidan, eta uztailaren 20an, 19:00etan, jokatuko du Fijiren aurka. Lehenengo norgehiagoka irabaziz gero, final-laurdenetan sartuko dira. Baliteke Australiako selekzioaren aurka jokatzea, uztailaren 21eko, larunbata, goizaldeko 02:52an.

Ekitaldia hasten denean, #Esna amesten dugu izenburua duen bideoa estreinatuko da. Besteak beste, kamiseta hori-beltza daraman Barbara Pla izan da protagonistetako bat. Ikus-entzunezko lanaren xedea da txapelketa jokatzeko erabiliko duten elastikoa aurkeztea.

13316070705_bf58a3c7ae_k

Mikel Etxeandia klubeko zuzendaritzan sartu da Kirol Arloan laguntzeko.

Mikel Etxeandia “Opari”, hainbat denboralditan gizonezkoen lehen taldeko jokalari ohia eta kapitaina izan dena, talde hori-beltzeko zuzendaritzako kide izango da uda honetatik aurrera. Kirol Arloan lagunduko du Mikelek eta, besteak beste, federatutako kategoria desberdinetako jokalariak eta entrenatzaileak kudeatuko ditu.

Bi talde estandarteak —gizonezkoena zein emakumezkoena— kategoriaz jaitsi ondoren, zuzendaritzak oso erronka garrantzitsuari egin behar dio aurre: aurreko denboraldien kokapena eta estatusa berreskuratzea. Gizonezkoen eta emakumezkoen taldeetako jokalariei dagokienez, oso bestelako egoerak aurkeztu dira hurrengo denboraldirako prestatzeari dagokionez: mutilek jokalari gazteen eta esperientziadunen artean oreka bilatu behar dute eta neskek, aldiz, lan handia egin beharko dute jokalari berriak berreraikitze-prozesuan dagoen taldera erakartzeko.

Gizonezkoen taldeari buruz: “Oso talde gaztea izateak alde onak eta txarrak ditu: alde batetik, asko hobetu daiteke; alabaina, esperientziarik ez izateak bere ondorioak izan ditzake, iaz ikusi genuen bezala. Ikusita taldeak nola amaitu zuen aurreko denboraldian, uste dut gauza politak egin daitezkeela eta goragoko kategorietan tokiak lortzeko borrokatu ahal dugula, presiorik gabe baina ilusiorekin arituz. Hala eta guztiz ere, hurrengo urteetarako esperientzia lortzen jarraitu ahal izango dugu beti”.

“Julio Speziali ezkerreko harroina berritzeaz gain, klubak jokalari gehiago sartzeko asmoa du”. Mikelek adierazi du gaur egun dagoen arazorik handiena esperientzia-falta dela, eta hori da, hain zuzen ere, indartu nahi duena. “Oso garrantzitsua da taldeari esperientzia ematea eta zenbait toki sendotzea”.

Emakumezkoen taldeari buruz: “Itzulera bakarreko ohorezko B maila osatzeko proiektu bat dago, Euskal Ligarekin bateragarria izango litzatekeena, eta hori da klubak gaur egun duen helburua. Ohorezko A mailatik jaitsi izanak taldea ahuldu du eta, hortaz, helburu nagusia proiektu horretan sartzea da, printzipioz galduko ditugun jokalariak baino gutxiago galduko baikenituzke horrela”.

Mikelen arabera, jorratu nahi den alderdietako bat emakumezkoen errugbia sustatzea da; plan hori abian dago jada klubeko jokalariek egin duten lanari esker, ate irekien entrenamenduak antolatzen baitituzte astero. “Talde indartsuagoa eta handiagoa osatzea nahiko genuke, fitxa gehiago dituena”.

DHBRugby

Ohorezko B mailan bizirauteko gida

Lehen taldea Ohorezko B mailara jaitsi ostean, oso ezohikoa den erronka bat izango du Juan Carlos Badok eta Jose Luis Young-ek zuzentzen duten taldea, hau da, estatuko errugbiaren kategoriarik onenean leku bat berreskuratzea. Hala ere, zilarrezko ligan egotea ere erronka zaila izango da, hasiera batean uste baino konplexuagoa behintzat.

Datorren denboraldiari buruz gehiago jakiteko, datorren 2018-2019 kanpainan parte hartuko dugun ligaren osaeraren berri izan behar dugu. Ohorezko B mailan 36 talde daude, hiru multzotan sailkatuta: A multzoa, B multzoa eta C multzoa. Gure kasuan A multzoan jokatuko dugu beste bost euskal talderekin, Galiziako hiru talderekin, Gaztela eta Leongo birekin eta Kantabriako batekin.

Erronka gogorra da lehenengo txandako txapelduna izatea, eta, gainera, igotzeko saiakera egin aurreko lehenengo oztopoa baino ez da; izan ere, jarraian, beste bi multzoetako talderik onenen aurka lehiatu beharko dugu. Garrantzi handiko kontua.

Durango Nissan Gaursa RT taldeak sustapen-fasean duela gutxi lortutako garaipenaren ostean, sei euskal taldek jokatuko dute; beraz, ligaren erdia osatuko dute haien artean. Oro har, hori izango da blokerik indartsuena, Zarautz RT, Bera Bera RT edo Uribealdea RKE taldeak punta-puntako taldeak izan baitira aurreko denboraldietan. Horiekin batera, halaber, Eibar taldeak jokatuko du. Taldea sailkapen orokorrean mailak igotzen joan da urteetan zehar, eta datorren denboraldian lanak emango dituela dirudi.

Getxo Rugby en DHBRugby

San Román zelaia La Albericia zelaiaren ordez. Taldeak Santanderrera joaten jarraituko du, baina oraingo honetan Batcho Rugby Club taldearen zelaira. Lehen CRS izenarekin zen ezaguna, eta, zalantzarik gabe, ligako titulua lortzeko izangai nagusietako bat da. 13 garaipen, berdinketa bat eta 8 porrot izan zituzten, eta fase erregularreko bigarren sailkatuak izan dira, mailaz igo berri den Burgos taldearen atzetik. Lehenengo txanda baztertzailean kanporatu zituzten, Valentziako CP Les Abelles taldearen aurka, 50-60 globala.

Galiziako lurretara itzultzea. Getxo Errugbi taldeak 2014/2015 denboraldian joan zen Galiziara azkenengoz, Kaleido Universidad de Vigo RC taldeak Ohorezko A mailan azkenengoz jokatu zuenean. Aurten hiru bidaia egingo ditugu: Vigo (670km), Ourense (620km) eta Coruña (550km). Aurreko edizioan izan zuten ibilbideari dagokionez, Vigok bereak eta bi ikusi zituen hamargarren lekuari eutsi eta jaitsiera ekiditeko. Ourense zein Coruñako taldeak, berriz, sailkapenaren erdiko postuetan kokatu ziren, seigarrenean eta zortzigarrenean, hurrenez hurren.

Oraingo denboraldi honetan, halaber, Valladolideko Pepe Rojo instalazioetako bi bisitak egingo ditugu egutegian, VRAC Quesos Entrepinares B taldea duela gutxi igo baita zilarrezko mailara, eta, beraz, Valladolideko aurkariak Getxoko agendan egongo dira oraindik ere.

Taldea sendotzea

Duela gutxi ofizial egin dute Julio Speziali lehen lerrokoaren berritzea, eta talde hori-beltzaren funtsezko jokalaria izango da Heineken ligako kanpaina berrian. Jokalariak jarraituko duela iragarri ondoren, taldeak beste jokalari berri batzuen laguntza izango dugula iragartzeko asmoa du uztailean.

Getxo Rugby Web

Getxo Kirolberri: Uribarri Barrutieta Europako Txapelketa jokatuko du Espainia zazpiko selezkioarekin

Fuente: Getxo Kirolberri

Hilaren 20tik datorren igandera arte, uztailak 1, Barbara Pla eta Uribarri Barrutieta Getxo Rugby Taldeko jokalariak Espainiako zazpiko errugbi selekzioarekin daude elkarretaratze batean. Hala ere, Bietako batek, Uribarrik, besterik ez du parte hartuko Europako Txapelketan, hurrengo asteburuan zehar lehiatuko dena. Halaber, uztailaren 20an Estatu Batuetako San Francisco hirian jokatuko den Munduko Kopa prestatzea ere du helburu egonaldi honek. Bertan, Fidji izango dute aurkari Lehoi Emeek lehenengo partidan.

Edonola ere eta Europako Txapelketari begira, Frantziako Marcoussis herriak hartuko duena, espainiarrek bigarren postua betetzen dute A multzoaren barruan. Datorren igandean, Belgikaren aurka ariko dira eguerdiko 12.22etara; arratsaldeko 15.07etan, Alemaniarekin neurtuko dituzte indarrak, eta Errusia selekzio indartsuaren kontra jokatuko dute arratsaldeko 17.30etatik aurrera.

Pedro de Matias Espainiako hautatzaileak 16 jokalariko taldearekin lan egiten jarraitzen du, eta hautatuen artean, Barbara Pla eta Uribarri Barrutieta getxoztarrak daude, arestian aipatu denez. Era berean, zortzi jokalari gehiago ariko dira elkarretaratze horretan gonbidatu gisa.

Para web

Julio Spezialik hori-beltzen aurrealdea indartuko da hurrengo denboraldian.

Harroin argentinarrak 2017ko udan sinatu zuen gure klubarekin eta beste denboraldi batez jantziko du kamiseta hori-beltza.

Julio Spezialik kontratua berritu du 2018-2019ko hurrengo kanpainarako, eta gutxienez beste denboraldi batez jantziko du kamiseta. Argentinarra da jatorriz eta iazko irailean heldu zen gure klubera, Gimnasia y Esgrima de Rosario taldetik. Lehen lerrokoak irailaren 17an debutatu zuen Fadura kiroldegian, Gernika RTren aurka, eta heldu zenean klubean zeukan tokira itzultzeko beharra sentitzen du: “Toki hau utzi behar dudan egunean gustatuko litzaidake gutxienez hasierako lekuan uztea”.

Rosarioko jokalariak hauxe esan zuen klubeko webgunerako egindako adierazpenetan: “Ondo egokitu nintzen taldera, harremanak areagotu egin ziren denborak aurrera egin ahala (…). Egia da denboraldiko izen asko aldatu egin direla eta agian horregatik kostatu zaigu taldea sendotzea. Askoz hobeto eta emaitza hoberekin aritu da azkenaldian”.

Horrez gain, hauxe adierazi zuen gure jokalariak: “Ondo ikusten dut taldea. Tokiko jokalari askok izugarri hobetu dute euren maila. Haiez gain esperientzia duten jokalari apur batzuk egonez gero, ez dago zalantzarik kategoriaz igotzea izan behar dela helburua, nik behintzat ez dut beste helbururik buruan. Horrekin mentalizatu behar gara, lortu ahal izateko”.

Adierazi bezala, oraingoz kirol txikia izaten jarraitzen du errugbiak Getxon, “ez da kirolik ospetsuena, eta beste kirol batzuek —futbolak, esate baterako— tokiko kirol nagusia izaten jarraitzen dute”. Alabaina, denboraldian zehar klubak antolatu dituen jarduera ugariak txalotu ditu; adierazi bezala, hori baita kiroleko alderdi garrantzitsuenetako bat. “Haurren jardunaldien, herri-bazkarien eta antzeko topaketen bitartez asko sendotu dira klubak dauzkan harremanak, eta horrek Getxoko taldean egotearen harrotasuna apur bat gehiago sentiarazi digu, zerbaiten parte izatearen sentimendua”.

Talde hori-beltzeko jokalari gisa aritu zen aurreko denboraldian, Juliok 21 partida jokatu ditu guztira; horietako 20 titular gisa, eta soilik bat ordezko gisa. Heineken Ligan 1534 minutu jokatu ditu, hau da, denboraldiko % 87,2. Puntu gehien egin dituen aurrelaria izan da, lau entsegu egin baititu; hala, bere esperientziagatik zenbaitetan aritu da ere kapitain gisa.