Asteburu honetan, Faduran, bigarren senior taldeak protagonistak izango dira, lehenengoek atseden hartuko baitute, baita Eskola osoak ere. Getxok etxean jokatuko dituen bi partidetatik lehenengoa larunbatean izango da, 12:30ean Loratzen taldea Urgozo/Elorrioren kontra. Bisitariak hirugarren postuan daude 7 punturekin (garaipen bat eta 2 porrot) eta getxotarrak lider dira 15 punturekin, 3 garaipen lortu baitituzte erasoko bonusarekin.
Fadurako bigarren partida ere larunbatean izango da, baina arratsaldean, 16:30ean, Universidad Bilbao Bren aurka. Etorkizunak garaipena lortu nahi izango du Bizkaiko harrobien derbian, Elorrio liderrari presioa sartzeko, 29 punturekin 9 puntu ateratzen baitizkio getxotarrei. Baina azken hauei partida falta falta zaio, azken sailkatua den Arrasateren aurka (abenduaren 28an jokatuko da). Bilbotarrek garaipen 1, berdinketa 1 eta 4 porrot lortu dituzte 8 puntu lortzeko eta azken postutik 2 puntura egoteko.
Asteburu honetan jokatuko duten beste bi taldeak Akademiakoak izango dira, biak bisitari bezala Mini Anoetan Bera-Beraren aurka. Lehenengo, 2008ko 16 urtez azpikoek jokatuko dute 13:00etan eta 14: 30ean 18 urtez azpikoek.