Elina Rougier Getxo Rugbyko emakumezkoen taldeak denboraldi honetarako egiten duen bigarren nazioarteko fitxaketa da. Estrategia argi dago zuzendaritzatik eta kirol staffetik, Ohorezko maila igotzea eta horretarako plantilla osoa hobetu behar da. Hori dela eta, azken bi urteetan Santanderko Independentean jokatu ostean, heldu den frantziar melé erdiaren aldeko apustua egin da.
Toulouseko 24 urteko erasotzailea Lycée Bellevue, Quint Fonsergrives, Blagnac eta Union Sportive Luzéchoise Rugby taldeetan hezi zen. Ondoren, 2019an, Ingalaterrara joan zen Bury St. Edmunds Foxes taldera, Suffolk herrira, Santanderko taldera iritsi aurretik. Bere ezaugarriek erasoko jokalaria izatea eragiten diote, eta asko gustatzen zaio azkar jokatzea.
Jokalari frantziarra oporrak hartzen ari da denboraldi-aurrean, urteko lehen partidari ahalik eta berme handienarekin aurre egiteko: urriaren 16an Valladoliden El Salvadorren aurka.