Asteburu honetan Getxo Rugby taldeko gizonezkoen bi seniorrak protagonista izango dira Faduran. Lehen taldeak Fenix Zaragozaren aurka neurtuko ditu indarrak, larunbatean 16:30etan, eta Etorkizunak Elorrio izango du aurkari, 18:15etan. Elitea multzoa amaitzeko 3 jardunaldi falta direnean, David Martinek eta Brad Linklaterrek zuzentzen dituzten jokalariek lehen garaipena lortu nahi dute, jada 2 partida irabazi dituzten talde aragoiarren aurka. Etorkizunak, bere aldetik, Euskal Ligako Ohorezko Mailako liderra hartuko du eta lehen bi sailkatuen arteko lehia zaila izango da.
Getxo Rugby taldeko gainerako taldeei dagokienez, Eskolako talde bakoitiak (13 urtez azpikoak, 11 urtez azpikoak eta 9 urtez azpikoak) San Roke zelaira joango dira Elorrio-Gernika-Arrasate partidua jokatzeko. Ohi denez, larunbat goizean jokatuko dute.