50. urteurrena

50 urte
historia partekatzen

Getxo Errugbiren 50. urteurrena ospakizun gogoangarri bat izan zen: berriz ere elkartu, eskerrak eman eta komunitatea sortzen jarraitu genuen. Kalejira batekin eman genion hasiera egunari, gero herri bazkari batean elkartu ginen Fadurako garagardotegian eta, bukatzeko, musika, giro ona eta kontzertu bat izan genuen. Horrelaxe ospatu genuen mende erdiko historia.

Esker mila hori guztia posible egin zenuten denoi: bertaratutakoei, lagundu zenutenoi eta uneren batean klubaren parte izan zaretenoi. Aurrera goaz!

50. urteurreneko
txapelketa barneratzailea

50. urteurrena zela-eta, gure izaera laburbiltzen duen txapelketa barneratzaile bat egin genuen, gure klubean errugbia denontzako delako. Jolasa, taldea eta errespetua partekatzeko eguna izan zen, eta erakutsi genuen balioak —laguntasuna, elkartasuna, ahalegina eta fair playa— erdigunean jartzen direnean, kirola topaleku bihurtzen dela.

Getxo Errugbia taldean edonor delako ongi etorria, zelai barruan zein kanpoan. Esker mila parte hartu eta txapelketa posible egin zenutenoi!

Omenaldia
txapel-banaketa

Gure urteurrenean omenaldi oso berezia egin nahi izan diegu bai gure lehendabiziko taldeak —gizon zein emakumezkoenak— osatu zituzten jokalari eta entrenatzaileei, bai klubaren buru izan diren presidente guztiei. Lan hori eskertzeko, ekitaldirako berariaz diseinatutako eta brodatutako txapel polit bat eman diegu. Esker mila guztioi!

Argazkiak Ibon Angulo

Errugbian jolastu nahi duzu?

Probatzeko gogoa duzu? Hauxe izan daiteke zure tokia. Getxo Errugbia taldean denontzako tokia dago: beteranoak, touche errugbia eta askoz ere gehiago. Etorri entrenatzera, ezagutu taldea eta hasi errugbiaz zure moduan disfrutatzen. Ez du axola esperientzia duzun edo zure lehen aldia den: zure zain egongo gara.